جسم بلا روح ....

من زود حزني وهمي وضيق صدري
جيت بحكي قصتي في وحدتي ...

لكن يوم بغيت أبتدئ
احترت ..
بأي جرح أبتدئ ..
والجروح أنواع
وأشكال
وألوان
ووو .... كل ما فكري يذكرك
قلت :
اتمنى يجي اليوم اللي فيه أفقدك ..

وتمر ليالي وشهور وأيام
أنا مثل ما أنا
عايش على ذكريات مؤسفه
أعاني جروح مؤلمة ..

بداية قصتي
اللحين ببتدي
بس ..
أخاف ما أنتهي

قلت ببدتي من طفولتي
يوم أنا ومحبوبتي
نبتدي قصة حبي
واحنا أطفال
نسرح في عالم الخيال ..

جيتك بخالص النيه
وضحت حبي خفيه
وبعد ما بادلتني المشاعر الفعلية ..

خليت علاقتنا علنيه
تذكر حالنا ؟؟
يدي بيدك
قلبي على قلبك
شفتي على خدك
صرنا
روحين في جسد واحد !!!

مرة الأيام
وسار بنا العمر
ولا ندري
ما يخبئ لنا القدر ؟؟؟

فرقتنا الظروف القاسية
ومرة الأعوام
وأنا
مشتاق
وحاير
وأفكر ..

يا ترى حبيبي يذكرني ولا تهنى في عالم النسيان ..

ويوم لم أكن أتوقعه !!

جمعتنا الظروف
جيتك بقلبي العطوف
شايل روحي بين الكفوف ..

سألتك : للحين تحبني ؟؟
ياليتك ما جاوبتني
قلت في لحظة :
شيء لم يكن في الحسبان
( أنا ما أحبك )!!

كانت صدمة لي
قاتلة لفكري
مشتتة لأفكاري
فلم أدري ما أقول ..

تركتني ورحلت
ماخذ روحي بما قلت ..

بقيت أنا
بحيرتي
بحزني
بهمي
بجرحي
بانهيار حالي ..
كانت فاجعة ..
وبعدها ترجع وتقول شو فيك :
أقول الله وأكبر عليك
دخيلك لا تذكريني
ارحلي وارحميني
جرحتيني وجاية تداويني ..

وأنا ما عدت أتحمل طعنة السكين ..




ومن يوم الفراق وأنا
( جسم بلاروح)