قصه لا تفوتكم مره تموت من الضحك

(قصه)

رؤس الاقلام :
الغلدمة ) وقت يجي البنت معد تصلي فيه وتخرب نفسيتها ) *

رحم ( يشبة المعدة بس لونه وردي )<-- مدري احسه كذا وعليه رسمات دباديب*

Sad

المناكير: روج مخصص للاضافر مايشال الا بقاز(<- ياخي لاتفضح اهلك فيه مواد تباع تشيله*

طلقني ( اطلق سراحي ) <- كل تبن تكفى *

: القصة
مثل اي جحش انولدت اناهق مافيه ابثر مني من ايامي الاولى كبرت على الصياعة وعلى السربته وكان الشارع هو بيتي الاساسي وبيت اهلي كنت اعتبرني فيه ضيف وانام فيه عشان المكيف في الصيف وعشان الدفاية في الشتاء ومن طلعة النور تلقاني في الشارع منطلق حافي ورجليني وصخه وقبلي في الوادي اللي جنب البيت معي نبيطتي وانبط في الكلاب وارجمهن<< ((ليتهن بعد ديورن عليك وعرطن خشمك الين قمت تنزف وتموت ومحدن درى بك وتفكنا من شرك)) كان لوني وصخ مرره من ضربة الشمس لانها تشرق على خد وتغرب على الخد الثاني كانت درجة اللون ماقبل الاسود بدرجة وعشان اكون دقيق (( color=000033 ))وصادق في الوصف هذا كود اللون
وتقدر ترجع لقائمة الالوان وتشوف بنفسك مدى قبح اللون حرام بالله لو تنبطح امريكيه سنه كامله على الشاطى وتدهن جسمها بودتس ان مايصير لونها ربع لوني

كنت معصقل مره لدرجة خيالية طالع وجهي كنه بوك فاضي متلازقه الخدود ولو اكل علك يوضح في اي جهه اعلتس فيه يعني يصير كني حاطن مصقال من حدى جنوب خدي كنت وصخ مره وطمل ولازلت كنت قبيح لدرجة ان بزران الحارة يرجموني يحسبوني جعري وكبرت على هالملامح وكانت تزداد يومن عن يوم بلغت في يوم من الايام وانا اركض ورى سلقة اتسابق انا واياها وكنت احس بالبلوغ ساعتها كانت ملامحي تكبر ورجليني تثقل واباطي تدغدغني مع طلوع الشعر واشياء لاتذكر صرت احس بها هديت السرعة ووقفت ولقيت ثوبي صار ضويق وشعر يديني ما اشوفه بس احس به مع اللمس لان اللون مغطي عليه قمت وديورت للبيت وشرحت لمي السالفة وقلت صار كذا وكذا وسمعتها بصوت خفيف وهي تقول " الللللللله يستر " عقد اجتماع في البيت ساعتها عاجل وتم عزلي بقسم خاص يطل على حيالة عشان ما اوذي الجيران وكان الكل خايف من ردة فعل البلوغ وقفلو علي الباب وحطو عندي مجسم ازياء عشان اطق فيه الين يطيب خاطري ولا اتعرض محارم خلق الله
بعد مرور شهر من بلوغي خذو المجسم وكشفو عليه ولا لقوا اي اثار تحرش وعرفو ان ما مني خطر وفكوا الحصر عني ورجعت للشلل والدشره ومطارد التسلاب وايقنوا ان المشكله في المخ وان هذا تخلف ونقص في العقل اللي غطى على غرائز الحياة ودستور الوجود بها الكون وفي يوم من الايام وانا العب ورقه حسيت بوجع اسفل بطني مغص ابن كلب لدرجة اني معد اقوى احكي وادور على ظهري كني صارور مبخوخ بفليت ويشيلوني العيال للحمام قالوا دبر عمرك طرش ولا شف لك حل واقعد ادور في الحمام ابي اطرش ابي استفرغ ابي شي يطلع بس ماااش الوجع في اسفل البطن ولا به شي يبي يظهر مع اي مكان والقط معجون الاسنان وادهن به اسفل بطني من الحروره اللي فيني واخذ لي لعطه واربط شماغي على بطني واشوى تشاويت وطلعت اكمل الورقه
تكرر هالوجع يوم عن يوم وصار يجيني كل يوم عشر دقايق تقلب حياتي كني مدمن مخدرات واقعد افرك واصمخ في الجدران ويلقطني ابوي لمستشفى الامل وقال لهم لايطلع ابد وزيدو جرعته وخلوه يدمن للابد وحساب العقاقير والهروين علي بس فكوني من شره وياخذون من دمي المستشفى عينه حتى ماسحبوها با ابره يوم شافو ابوي حاقرني جرحوني بموس وخذو عينه في فنجال وكشفو عليه بدون مجهر ولا مواد تحاليل بالشم واللون بس وقالو ولدك مايستخدم رح وخذ له اشاعة لايصير فيه سرطان وتضطر كون انك ابوه تسفره للخارج عشان الجماعة ماينقدون عليك وهو حرام يسفر للخرج للعلاج رح تسانه شي في بطنه يقص وتخلص في هالديره
وبالفعل لقطني الشايب لمستشفى حكومي ويفرشون سماط على السرير حق الاشاعة عشان ما اوصخه ويوم خذو اشاعة ويتغير وجة الدكتور ويدق على المدير حق المستشفى ويطلبون فريق طبي من التخصصي امريكان وانا وابوي نناظر فيهم مرتاعين واسمع كلمة من امريكي قالها وتذكرت اني اسمعها في الافلام وادري انها تجي على لقطات بنت كلب وهي " اووو مااااي قااااد " قلت لبوي افااااا منيب مرتاحن لها الكلمة ابد وانا ولدك رح رح اشتر الكفن وابيكم تصلون علي في الراجحي الجديد لاتودينا لعتيقه تراه خياس وزحمه وكل حقين الخضره فيه (( رايح لعرس الاخو )) المهم وينادون ابوي وانا فاصخن الثوب والفنيلة وعلي صروالي الطويل ومخفس مع كل جهه ومخيط بكل الالوان الموجوده في العالم اقرب ابره فيها خيط يخيطون بها وقاعد منسدح واناظر في الكبس اللي فوقي اللي ينور على بطني واتفل واناظر نقط التفال الصغار وهن ينزلن وخاش جو شوي ويجي ابوي يركض ويفصخ شماغة ويقول تغطي تغطي ولعنه قمت ودفيته مع دقنه وقلت هيييييه هييييه عسى ماشر ! مهوب وقت هذراتك الحين يا الاخو قال غطي عورتك جعلتس الموت اللي يلعب فيتس واقوم وانا مدري وشفيه وكنت أعطي اشارة للدكتور بيدي اقول خذو له اشاعه على الراس بدون لايحس ابوي فيني وينتبه ابوي لي وانا قاعد اشر للدكتور وقال بديناااا في قلة الحيا وانا ابوتس ويفصخ شماغة ويخليني اتغطى به قمت وطقيت اللثمه بالشماغ وركبت في السيارة
قال اسمعي وانا ابوتس قاطعته وقلت يا الشيخ ماله داعي نخسر بعض عقب هالعمر قل لي توكل على الله وشف لك ابو ثاني بس بلاش هالحركات تكفى قال يابنيتي ادري هالحقيقه بتنصدمين فيها بس هذا اللي صار وهذا المكتوب ! قلت خير عسى ماشر ! وفكيت اللثمه عفوياً وهو اللي يدير وجهي بكف وقال تغطي عماً يعميك لاتفضحينا تالي عمرنا ويقولون بنت فلان مافيها خير وفاتشه مع ابوها وهي راكبه معه قدام سكت وعطيته جنبي ودقيت على امي وقلت جهزي عفشك وجمعي اخواني هاللي جنبي معد ينجلس عنده وانا ولدتس ابد ابد قال اسمعي يا بنيتي السالفة ومافيها ان الدكتور يوم خذ اشاعة لك حصلو عندك قناة منسدة جاية من الرحم ومنتهيه في مكان حرج في جسمك وان تكوينك الخارجي ملامح رجال والداخلي عندك رحم وها القناة لازم يزال اللي قدامها عشان تقدرين تعيشين انثى مثل باقي البنات قمت وطالعته من فوق لتحت وحبيت يدي وقلت سق سق ولا نزلني في لموزين تسان هذي علومك قال لا لا لا معد فيه لموزينات ولعد فيه طلعات تبين تضيعين شرف اهلك ؟؟ قلت خير !! تراني محترمك عشانك كبير وشكلك ينرحم مره وانت تقنع فيني قال يابنيتي ماتنلامين عارف وشلون صدمتك بس هذا اللي جاك كل هالوجع هذي سنة الحياة عند البنات وانتي جتك العادة بس مسدوده القناة ولازم يستئصل اشياء عشان يطلع منك الشر
وماش بديت اتذكر اشياء قمت احس فيها من تالي في صدري من حكحكه وقلت يمكن جرب واتذكر اوجاعي وبدون لا احس قمت انزل في ثوبي اغطي عراقيب رجليني عن ابوي وبديت استحي منه وانعم في صوتي طبعاُ دقني طالع من تحت اللثمه وريحتي كاتمه ام السياره مع ان الاربع درايش مفتوحه كلهن وقال ابوي يا بنيتي ابسميك على امي هيلة وشرايتس؟؟ قلت اللي تبي انت ابوي والامر امرك <<-- وين خطبه هي والله وندخل غرفة العمليات ويقصبون كل العوازل اللي تمنع نضوجي كفتاه واطلع من المستشفى عقب اسبوع ونمر صيدليه واخذ مستلزماتي الانثوية واقعد في غرفتي ماغير ابدل في اليوم 3 مرات لان لي 3 سنين بالغة ولا طلع شي ومتحجر بطني لدرجة ان جنوبي صارن شفافات من كثر ما انمس الجلد وخطر ماينفجرن ويقوم ابوي ويسجلني في مدرسة بنات ويتجمعون علي اخواتي وامي وبحلاوة يشيلون في شعر جلدي قعدو شهر وهم يقشعون وماش صار وجهي وذرعاني تسنها فرشة طايحن عليها جمر متقشعن بعض وبعض ماتقشع وتنتشر عند الجماعة ان دعلج صار هيلة واصير اطلع اسير على بنات خالي ومااااش خالي ما ارتاح للسالفة ابد وصار يجلس معنا واقوم عاد انا اذا وقفت ابروح اشرب موية انزل في بلوزتي اغطي مفاتني (( يحلفون اني من عند الابط الين الفخذ خط واحد لافيه خصر ولا حوض ولا تبنن في وجهي كني بلاكاشة )) وقلت اطلع يا خالي نبي نسولف في اشياء تخصنا يالبنات وهو يناظرني ويقول قم بس خلني اوديك لهلك حرام لو معك بزرين يرضعون منك قدامي ماصدقت بيني وبينكم ماينلام
المهم ماااش عجزت اخش جو الانوثه واحس ان ودي اروح للشباب وفي راسي تفحيط وكشتات وملعنة خير بس اهلي قاعدين لي يرفضون طلعتي بدون محرم (يالبى عمري يععع جعل ربي ياخذني ) والله واضطريت اخون ثقتهم واستخدم مفتاحي واطلع بغطوتي عن قولة عيب واروح للاستراحه واجلس مع العيال عادي بنقابي ونوزع ورقه ونفس الصوت ماتغير واشب زقاره وكل شوي ارفع نقابي وامز مزه واتغطى لايقزوني شوي وبدت تتغير علي حركات العيال وبداء التميلح وقالو لي وش بيضرك يا هيلة لو وسعتي صدورنا ؟ وافصخ الزبيرية بدون لايحسون لاني متروبع وانا لابسها والقط ريسهم والعن اصل اصله الين ذبيت العباة وبقت الغطوه واذا تحركت طلع طرف الدقن من تحت الغطوه وافك عصى الستارة وخذ يا طق الين خذتهم سيارة الاسعاف ردين متكسرين من كثرهم ((انشط بنت في الوجود)) كلش عااد الا الشرف والله واطلع للبيت والقى ابوي واقف عند الباب ومعه الشوزل ويقول علميني عسى ماخربتي نفسك وضيعتي الشرف ؟؟ قلت ياخي بطل شرب تراك قدوه لنا كانك تسكر وخر الله يصلحك ويقعد يهوش وراي وقال بكره ملكتك على مسعد ولد الخبي قلت هييييه هييييه تراه صديقي بتكسر عيني انت ؟ ياخي هذا انا واياه مسافرين للشرقيه ومرقمين سوا قال الولد يعزك من يومك ولد ويوم اصرتي بنت قال مستعد استر عليها قلت اعقل وخلك رجال يابوي حركات النذالة مالها سنع ابد ابد قبل امس استرجل عليه واليوم انام معه واحط له روج ؟ قال ابوي ايه وشفيها وانا ابوتس ماودك تفرحيني وتخليني اصير جد ! قمت وقلت ممكن تسلفني الشوزل شوي تكفى قال قديمه بتنتحرين (( مايدري اني ناوية))
وبالفعل اصبحنا الصبح وانزل ببجامتي السوداء وعليها دباديب لونها اخضر غامق ((تعرفون انوثه جت على غير سنع والذوق تراب)) ويصرخ ابوي في وجهي عمى عمى ! فيه رجال وارجع اركض اميل في خصري وانا اقول يا خزيااااه اثر الرجال الشيخ المملك وجاي هو ومسعد وابو مسعد وعمي وشوي ويطلع ابوي بالدفتر لي ويقول امي هيلة حبيبتي وقعي لي هنا قلت وشوله ؟ عشان ايش؟؟ قال كتبت البيت با اسمك عشان ماتدرين انتي بنتي الوحيده واخاف اخوانك يطردونك لو اموت قمت والقط القلم واوقع 4 تواقيع عشان لاينشبون لي بعدين ويقولون مايطابق التوقيع ويوم نزل ابوي واسمع الزغاريط قام ابوي وامي واخواني وجو يباركون لي وعرفت ان الدفتر حق الملكه ولا ملكت الا خشة مسعد الله يلعن وجهه وبالفعل خذوني اهلي لمستشفى تجميل وشالو بالليزر شعر بطني وصدري بس وكسرو ضلوعي خلو على ضلعين من كل جهه عشان يصير لي خصر ويربطون على خصري سير مدرسة من تحت عشان الفستان يطلع شكله في الزواج حلو وحطو لي يوسف افندي بصدري ولصقوه لي بلزق فلوس عشان الفستان مكشوف من ورى ولا يبون خيوط الستيانه توضح وحطو لي مناكير بطامس عشان يمشي مع لون الفستان وركبو لي عدسات برتقالية على لون الزبيرية لاني حالف ما البس كعب واضطرو يزينونهن ببروشات عشان توضح الانوثه في النعال وخليتهم يحطون لي وشم على وركي ويرسمون ددسن غمارتين مطيح (( من طول الظهر)) وتم الزواج وطبعاً اغلب الجماعة ما ارتاح لعملية تبديل الجنس حقتي واضطر ابوي يخليني احظر العرس وانزف في قسم الرجال وكنت امشي بنقابي بين المعازيم وافحط بين الكنبات واشطف الشيبان والكل يتحمد شوي وازعاق لمسعد وهو ببشته بين الرجال واقول هاه مشينا !! (( كلن يناظر يقولون وش هالعجلة )) وطلعت مع مسعد من القصر وركبنا الكورلا وعيت تشتغل وافتح الكبوت واربط العباة على خصري واقعد احثرب في اسلاك البواجي والناس تناظر وش هالعاروس وكل شوي اقول شغل ! وماتشتغل الين صمخت بالكبوت وقلت يالله شباب نبي يدينكم شوي دفو الله لايهينكم وقاموا ا المعازيم وانا معهم ندفها الين نتشها زوجي العزيز واشتغلت وقمت اركض وامحط على صدري ويطشر اليوسف افندي وتربص عباتي وثوبي وقال وشذا ؟؟ قلت لايكثر مر اقرب محل خضار ويتعدل كل شي
مسكنا الخط متجهين للعيال في الشقه بنطق قيم بالوت قبل لانروح لشقتنا على نظامنا قبل اسبوعين قبل لا اصير بنت وفي الطريق حاط رجلي على الطبلون وماسك السبحه واهيجن مع زوجي الثور مسعد وقلت ابو الشباب وقف تكفى جنب اقرب حيالة اخوك في الله حصراااان قال مسعد شرحك سرا يا هيلة وانا بعد العن منك والله ونوقف جنب حيالة ونروح ورى شحنه ونسولف مع بعض ونطير في الشراب وانا رافعة العباة ونركب الموتر ونتوجة لبقالة الحاره يتجمعون عندها العيال ونبوبز على العتبه حقت البقالة وانا بنقابي مع العيال وخذ حش في خلق الله والعالم تهدي تناظر هاللي مبوبز بعباة ونقاب ورجلينه طالعه كلها شعر ويتحمدون الله يحسبونا نستهبل وخلصنا من العيال ورحنا للشقه وجاك الموت يا تارك الصلاة الثور مسعد نسى كل شي وصدق في هاللحظه اني زوجته وقال يالله يا هيلة خلينا نتبادل الرومنسية والكلام المعسول ونقلبها ليلة حمرا قلت اني ابكب فوق راسك جمر هالمعسل اللي شابه لي على جبهك واقلب راسك احمر يا وصخ قال بالحلال يا هيلة قلت انطم واذا معزم مافيه عيال ولا راح تلمسني الين اركب لولب لان لا انا ولا انت كفو نجيب عيال بالله ناظر وجيهن من فاضي يربي بالله ومن بيطلعون عليه تكفى قال تم بكره اجل نروح نركب لك حنفية ونكربها كرب وطلعنا لطبيب سوري والله وامتد على السرير احتريه يهندس الموضوع ويضبط لي الامور وخذ معه كشاف وسقط تحت الشرشف ومعد سمعنا له حس ماغير رويسه يتحرك يمين ويسار والنور كل شوي يكشح من عند اليوسف افندي ويختفي كنه الفنار برج المراقبه حق السفن
شوي ونسمعة يقول " العماااا" ولك " العمااااا" شو هااااااض ( طلع اردني) ولك وينو الرحم ؟؟ ولك وين بدي اركب هيدا اللولب ؟؟ ماعم بشوف الا مصارينك يا هيله ولك هيدي مو قناه هيدا اخر المصير عندك صاير متل الداب ام راسين وصاير له طريقين واحد صح والتاني جاي غلط والاوجاع اللي كنت عم بتحسها هيدي الزايدة يا تور ((ثور)) انت واياه ولك مابتعرفو ان هيدا بيهز عرش الرحمن ؟؟ ويلقط الدكتور ابره وخيط ويخيط كلش وقال قم انت منتا بينت انتا مابعرف ايش راح اسميك ولك غور من وجهي والله واقوم وازين جلستي وقلت الحمدلله اللي مابعد توهقت وسويت شي تذلني فيه يا كلب طول عمري يا مسعد يا حقير والف العباة والمخه في وجهه وافترق انا واياه عند باب العيادة كلن راح مع جهه
ملاحظه:
1- القناة صارت عيب خلقي في اخر المصير وصاير له طريقين واللي اخذ الاشاعة استعجل وقرر بسرعة الله يرحم حاله
2- الالم والوجع واللي طلع بالاشاعة كانت الزايده منتفخه مره كنها تفيخه مشبوكه في بزبوز وخطرن تنفجر
مايستفاد :
1- الواحد اذا اعرس وشم ريحة بردقان يلقط حرمتة لاقرب مستشفى ويكشف عليها هل هي بنت شد بلد ولا مرهمه زي هيلة
2-ياجماعة اي احد يكشف عند دكتور ويقول له شي لايصدقه ويروح يكشف مره ومرتين وثلاث ترى مهوب كل شي ينتصلح وانشدوني
2- الحمير اللي يروحون يكسرون في ضلوعهم اللي من الجنس الثالث هذولي مايخافون من العقوبه وان الله يخسف بهم
3- قسم بالله معد اتعودها تكفون

ههههههههههههههههههههههههههههه يسلمو خيتو ومشكوره على الطرح

ههههههههههههه

يسلموو غلاااي ع القصه الله لا يبلاناا خخخخ