الا ياقلب لا تشره

الاياقلب لاتشـره عليـه ولـي متـى غيـره ؟
يغيـب براحتـه خلـه يـروح بعالـم النسيـان
كفـاك تـدور أعـذار لغيابـه فضهـا سيـره
تماديت لغـلاه ومـن تمـادى بالغـلا خسـران
ابـد مافيـه بالدنيـا بشـر يستاهلـك غـيـره
يغيـب ولارجـع ماكنـك الا العاشـق الولهـان
انا ماقول لاماقـول منـت بشايـف (ن) خيـره
وانا مانـي بقايـل صاحبـك وافـي ولاخـوان
يقولون القمـر لاغـاب يضويلـه علـى ديـره
وانا اقول الحبيب ان غاب يضويله على خـلان
اجل شسباب هاالغيبه وابـي شسبـاب تأخيـره
وابي ليه الجفا ياقلـب وانـت بغيبتـه حيـران
شهر واكثر ولاطـرش عـن غيابـه معاذيـره
ياليتـه لوتعـذر بالظـروف ولا يمـه غلطـان
تعبـت ولاطرالـه يتصـل قـل علهـا خـيـره
وش انت متعب (ن) حالك على واحد قليل احسان
يجي ميت ولـه لامـن شكـا وقتـه وتعزيـزه
وإذا قفى على وجهه حبيبك " ناقـة عريمـان "
اقـول انـه موالـف بشـر خـلاك تقـزيـره؟
واقول انك على هامش حياته مابقى لـك شـان
مع اللي ماله سبوق اتركه شف واحد(ن) غيـره
وانا شوري عليك تلحًقه فـي سبعـة الشيطـان
ذبحـك الطيـب ياقلـب تعـذب مـن مقاديـره
يعن كنك خفوقـي خابـرك ماتعـرف النكـران
تقاضـى لعنبـو جـد الغـلا ماتنفـع الـذيـره
ترى من لاتقاضى ياخفوقـي هالزمـن ينهـان
حبيب (ن) ماصفى لك طيع شوري بـدل بغيـره
وانا شوري عليه تلَحقه فـي سبعـة الشيطـان

وش انت متعب (ن) حالك على واحد قليل احسان
يجي ميت ولـه لامـن شكـا وقتـه وتعزيـزه
وإذا قفى على وجهه حبيبك " ناقـة عريمـان "
اقـول انـه موالـف بشـر خـلاك تقـزيـره؟
واقول انك على هامش حياته مابقى لـك شـان

رووووعه

يسلموووو سنيوره

اجل شسباب هاالغيبه وابـي شسبـاب تأخيـره
وابي ليه الجفا ياقلـب وانـت بغيبتـه حيـران
شهر واكثر ولاطـرش عـن غيابـه معاذيـره
ياليتـه لوتعـذر بالظـروف ولا يمـه غلطـان

يعطيك العافيـه يالغلاا

قصيـــده رووووعـهـ

دمتِ بووود ،،،