ღ خســارة لا انصدمت بـ ناس ღ ... !!

السـلآم عليـكم

.
.
.




أشيـــل البحــر في صــدري..
واشيل الارض في كفي..
تعـــال يا ?صمت? ،، ابي كتفك على كتفي..!
تمر الكلمة من صوبي ،، اغض طرفي
واشوف الصمت .. بس الصمت ،، في صفي ..!
قتـلتـني حالة الـ لا حال .. انا مـوجود او منفي ..؟!


*•-•´¯`•-» «-•´¯`•-•*


أحــس بـ داخــلي ،، ? نيــران ?..!
وهــج دامي .. وصدى غـاره..
ياتعب منهو مثلي ... غلطته سوء إختياره..؟!
ضــايعـة ? روحي ? بـ متــاهـة..!
وليل مابين نهاره ..
كانت الاحلام ورده ،، وانتهت بؤس وخساره..!



*•-•´¯`•-» «-•´¯`•-•*


لا تبيّت لي نواياك وتبوح السكوت
قول لي : مابيك ، قول إنك ملاقي أحد !

قولها وأنا أوعـدك من هنا إلين أموت
ماعاد أبيّن شعوري تجاه أحّـد .. أبد !!


*•-•´¯`•-» «-•´¯`•-•*


لا تغـــار ،،!
لا تشيّد بيننــا ذاك الجدار اللي يسمــونه / شــكوك /..!
وانت عــارف إني اخلص من عرفتــه في حيــاتك..
انت / جنــه / .. من عرفهــا مستحـيل انه يبيــع..
لا تــقول فـلان [بــاع]..
انت حبك لو تجيه كنوز هالعالم ،،
? لن تُبـــــــــاع ?..!


*•-•´¯`•-» «-•´¯`•-•*


خســارة لا انصدمت بـ ناس،،
كأن الناس مالها شغله / غير انها تصدمك..!


*•-•´¯`•-» «-•´¯`•-•*


حالف بعد الهوى / لـمسح الجرح الأليم
واغسـله في ماي المطر ،، واجبر احزاني تِلـــين..!


*•-•´¯`•-» «-•´¯`•-•*

لي متى هالحب ساكن بالخفوق ،،؟
ســر / ســر / سر ..
و لا يــطلع ابـــد..؟!!
لي متى يبطش ولا نقـدر نفووق..!
حتى تعذيبه لنا صاير [شهــد]..!


*•-•´¯`•-» «-•´¯`•-•*


دخيلكـ رد
لا تجـــرح الود
واجمل احساس كان ..
خلني ادري
ان مات الهوى بدري
لا تتركني للزمان ..
لا تجازيني بالجفا
وتنهي ذاك الوفــــا
اختار غير هالحل حل
وان ضاق وقتك فيني ومل ..
قول ابرحل
او ارحلـي
بس لا تترك الجروح فـ صدرونا تمتلي ..
لا تجرح الحب
فديتك لا تجرح الحب !!


*•-•´¯`•-» «-•´¯`•-•*


إذا بتروح .. روح
تدل درب الفرقى
مـا أحد يجبرك تبقى
إلا الجـرح ما .. " يروح " ..
و صعب مع الزمـن .. يشفى
{ صـاحبي }
بكل شي كنت .. شحوح ..
إلا بـ .. الجروح
تخيل كنت أشوفك مثل الطموح
و الروح في محبتك غرقى
بس بالأخير
اكتشفت انك ما تستاهـل
الله معاك .. روح ..
و خلنـي مع همي .. و الجروح



*•-•´¯`•-» «-•´¯`•-•*


ودي اقول احبك لكن خلو الكلمة قديمة
العبو بالكلمة حتى اتركوها دون قيمة ؟


*•-•´¯`•-» «-•´¯`•-•*

أنا ما ودي تـــوادع

لأن طاري الفـــراق [ سِِـــمّــي ]
لأنـهـ يـالغـضـي هــمّـــي
و صرت اتـنـفـسـهـ / حســـرات /
و صرت أخـــــاف من بعـــدك
من أول مــرهـ قابلتــك
عـرفـت إنــي أبيـــع .. النـــور ..
وأهــدي لخـافـقي / آهـــات /
و هذا ما كـفـى قلبــي
و لكن ضمّـــــك بلـهـفـهـ
و ســــوّا خطوتـــك / بـســمــات /
وانت اليـــوم أو باكـــر
تبــي تـــوادع .. !!


*•-•´¯`•-» «-•´¯`•-•*


أموت مره واحترق ألف مره
واسكت وأجامل وأتحاشى المواضيع
على حبيبٍ في ضميري مقره
شيد بقلبي له قصور و مشاريع
لو كان بسبابه لقيت المضرة
حلفت أنا مشري بداله و لا ابيع
راضي وقانع به بخيره وشره
ومنهو نصحني عنه ماسمع ولا اطيع


*•-•´¯`•-» «-•´¯`•-•*


صدفه غريبه والحقيقه ماعلى الدنيا غريب
يازينها صدفه بلا سابق وعد يازينها
الله صرفها لي مثل صرف العلاج من الطبيب
اثر الجروح اطيب لامن عولجت في حينها
لا طاب جرحي منه من غيره لعله مايطيب
يطعن وطعناته على شان الغلا راضينها

*•-•´¯`•-» «-•´¯`•-•*


وشله تزعلني.. علشان اخليك؟!
قل خلني.. ولاتسوي حركات!
معجب وابيك برغبتك.. غصب مابيك!
ولاني متوقف عليك انت بالذات
امسيت متحريك ..واصبحت ناسيك
هذا مزاجي وانت راعي مزاجات

*•-•´¯`•-» «-•´¯`•-•*

انتـه وينـك لا بكيـتك دم والصـرخه بليـه ..
انتـه وينـك لا مشيـتك هم في ليـل اغتـراب ..
انتـه وينك لا احتفـلتك عـرس وثـيابي بليـه ..
انتـه وينك لا نشـدت الخرس عن عـوق المصاب ..

*•-•´¯`•-» «-•´¯`•-•*

من تردد ساعة العازه بطا
مايلاقي حزة الشده سنيد
دايم الدنيا ترى أخذ وعطا
من يفيد اليوم باكر يستفيد
الرفيق الصح سترك والغطا
ودرعك وسيفك على الخصم الضديد
لو على جمر الغضا لأجلك وطا
زعلتك حزنه وفرحك يوم عيد


*•-•´¯`•-» «-•´¯`•-•*

صدقوني مابقى للحب قيمه
الجفا شال الوفا واصبح مكانه
والصراحه صايره كلمه قديمه
والهوى اصبح خيانه في خيانه
والمحبه كنها طفله يتيمه
مات ابوها وهي انحرمت من حنانه
صدقوني قصتي قصه اليمه
والهوى ماعاد يغريني كيانه


*•-•´¯`•-» «-•´¯`•-•*


أحبك ياسحاب بعده أعشب قلبي الممطور
تراه بحبك استبشر عسى ماينقطع حبك
أحبك كلمة ماقالها إلا واحد مخطور
بغى كل الكلام ولالقى إلا كلمة أحبك

*•-•´¯`•-» «-•´¯`•-•*


يغيب ويدري ان المعاليق فقدوه
ويرجع بصوتن جعلني ما ناعته
فلا بث رقمه شاشة الجوال اتوه
واقول ياربي تبارك ساعته
جوالي اليا منه دق وقال ألوه
تذوب اذانيي على سماعته
لبيه يا كلماته ولا فض فوه
اموت في ضحكته واستمتاعته

*•-•´¯`•-» «-•´¯`•-•*


العذر ماينفع مع كل الاخطاء
دام الخطايا جات مني وفيني
ياليتها كانت على غلطة املاء
ماكان حارت دمعتي وسط عيني
الصاحب اللي وقف بصف الاعداء
اللي نسى ماكان بينه وبيني
اصبحت انا عنده تيمم وهو ماء
اذا حضر واحدهم ابطل حنيني


*•-•´¯`•-» «-•´¯`•-•*

للقائمة روح وأبحث لين تلقاني
وأضغط على الزر الأخضر ثمّ كلمني
أريد صوتك مهو لأجلي ومنشاني
لأجل الغلا اللي من أغلا النوم حارمني



أتـمـنـى تـعجـبـكـم الـمـسـجاااات ^_^